Spurningar & Svör

Ég slæ inn símanúmer á vefsíðu en það kemur aldrei valmyndin til að slá inn PIN númer. Hvað er til ráða?

Það gerist stundum að skilríkjavirknin í Android símum frjósi. Til að koma henni í gang aftur skal gera eftirfarandi:

  1. Endurræsa símann
  2. Hringja úr honum eða í hann eitt símtal
  3. Bíða í lágmark 1 mínútu (mjög mikilvægt)
  4. Reyna aftur að nota skilríkin

Ástæðan fyrir því að hringja eitt símtal og bíða í eina mínútu er til að tryggja að síminn sé örugglega skráður inn á farsímanetið.

Ef skipt er um símafélag eða SIM kort á sama símanúmer og það sem inniheldur rafræn skilríki, eyðast þau sjálfkrafa. Skilríkin eru vistuð í mjög öruggri geymslu á SIM kortinu og ef skipt er um SIM kort á sama símanúmeri er skilríkjunum sjálfkrafa eytt. Notandi þarf þá að fara aftur á skráningarstöð með ökuskírteini, vegabréf eða nafnskírteini og fá ný skilríki virkjuð.

Rafræn skilríki í farsímum virka bara með íslenskum farsímanúmerum. Það fer svo eftir því hvaða símafélagi þú ert hjá og hvernig reikisamninga þeir eru með í viðkomandi landi hvort skilríkin virka þar. Ef venjuleg SMS skeyti eru að virka ættu rafrænu skilríkin að virka líka. Reynslan er sú að rafrænu skilríkin eru að virka í langflestum löndum.

Nei, aðeins er hægt að fá íslensku rafrænu skilríkin á íslensk farsímanúmer.

Á vefnum netoryggi.is á vegum Póst- og fjarskiptastofnunar eru góð ráð um hvernig best er að vernda farsímann sinn. 

Já, skilríkin er hægt að fá á nær allar tegundir farsíma. Síminn þarf ekki að vera snjallsími og síminn þarf ekki að geta vafrað á netinu. Rafrænu skilríkin eru sett á SIM kort farsímans og nota svokölluð kerfis SMS skilaboð. Þó svo síminn sé með lítinn einnar línu skjá og geti ekki vafrað á netinu getur hann virkað vel fyrir rafræn skilríki.

Tvær leiðir eru í boði:

1. Ef þú ert nú þegar með rafræn skilríki á farsíma þá getur þú afgreitt þig sjálf(ur) á vef okkar hér.

2. Þú getur farið til skráningarfulltrúa Auðkennis með ökuskírteini, vegabréf eða nafnskírteini og hann aðstoðar þig við að setja skilríkin í símann. Sjá afgreiðslustaði og afgreiðslutíma Auðkennis hér.

Fyrst þarft þú að viss um að þú sért með SIM kort í farsímanum sem styður rafræn skilríki.
Það getur þú gert hér: Kanna SIM kortið mitt.

Ef þú ert með hæft SIM kort þá ferðu á næstu skráningarstöð og hefur með þér löggild persónuskilríki, vegabréf, ökuskírteini eða nafnskírteini og lætur skráningarfulltrúa virkja skilríkin.
Sjá lista yfir allar skráningarstöðvar.

Ekki er hægt að virkja skilríkin á farsíma í sjálfsafgreiðslu á vefsíðum Auðkennis nema þú sért þegar með rafræn skilríki frá Auðkenni á öðru SIM-korti.  Ef þú ert með rafræn skilríki getur þú virkjað skilríkin í farsímanum í sjálfsafgreiðslu á vef okkar hér:

Já, það eru engin takmörk fyrir því hvað þú getur haft mörg skilríki en þú getur þó aðeins haft eitt sett af þeim á hverju SIM-korti eins og er.

Ef PIN gleymist eða er slegið inn rangt 5 sinnum þarf að fara á eina af skráningarstöðvum Auðkennis með gilt ökuskírteini, vegabréf eða nafnskírteini og fá ný rafræn skilríki hjá skráningarfulltrúa. 

Nova, Síminn, Vodafone og Hringdu bjóða viðskiptavinum sínum upp á SIM-kort sem styðja rafræn skilríki í dag. Hringiðan og Símafélagið vinna að innleiðingu lausnarinnar í samstarfi við Auðkenni.

Nei, þetta eru ný skilríki. Það eru engin takmörk fyrir því hvað þú getur haft mörg skilríki í einu á símum eða Auðkenniskortum. 

Það er afar einfalt að nota rafræn skilríki á farsíma. Hafðu símann við höndina tilbúinn og ólæstan. Hér eru leiðbeiningar um innskráningu á vef Heilsuveru:

  1. Á vefnum heilsuvera.is er Heilbrigðisgáttin þín undir fyrirsögninni Mínar síður.  Þar velur þú hnappinn Innskráning.
  2. Í innskráningarglugga slærð þú símanúmerið þitt inn og velur Innskrá, en þá hefst ferli á farsímanum.
  3. Á farsímanum koma upp skilaboð um innskráningu.  Þar velur þú OK eða Accept.
  4. Að lokum slærð þú  PIN númerið þitt inn í farsímann og velur OK eða Send.
  5. Að þessu loknu ætti að opnast fyrir þínar síður í Heilsuveru.
  6. Sjá nánar

Hér eru 3 möguleikar:

1. Hafðu samband við þitt símafélag og fáðu þá til að loka SIM-kortinu í símanum en þá afturkallast skilríkin sjálfkrafa og verða ónothæf.

2. Hafðu samband við Auðkenni og við lokum skilríkinu fyrir þig.

3. Ef þú átt önnur rafræn skilríki getur þú skráð þig inn með þeim og afturkallað skilríkin sjálf(ur).

Já, skilríkin á SIM-kortunum hafa engin áhrif á skilríkin á Auðkenniskortum eða á Auðkennislykla.

Það er ekki alveg víst að þú þurfir að skipta um SIM-kort. Á þessari prófunarsíðu getur þú kannað hvort þitt SIM-kort sé hæft fyrir rafræn skilríki. Ef setja á rafræn skilríki á SIM-kort þarf það að uppfylla ákveðnar kröfur sem eldri SIM-kort gera ekki.

Við bjóðum sérstaka prófunarsíðu fyrir þig, þar getur þú prófað skilríkin þín.

Á þessari prófunarsíðu getur þú kannað hvort þitt SIM-kort sé hæft fyrir rafræn skilríki.

Já, allir íslenskir viðskiptabankar og sparisjóðir bjóða upp á rafræna innskráningu í netbanka.

Nei, þetta PIN-númer er alveg sjálfstætt og óháð öðrum PIN-númerum. Gættu þess að PIN-númerið er er lykilatriði í öryggi skilríkjanna. Því skaltu ekki nota númer sem er öllum aðgengilegt og tengist persónu þinni, s.s. hluta úr kennitölu eða símanúmers. 

Á flestum farsímum öðrum en iPhone er farið í VIT-valmyndina (heitir stundum SIM Toolkit) og þar undir er Auðkenni og undir því er Breyta PIN möguleiki.
Í iPhone er farið í Settings og svo í Phone og þar neðst er SIM Application. Þar inni er Auðkenni og undir því er Breyta PIN möguleiki.

Rafræn skilríki í farsíma eru afskaplega einföld og þægileg í notkun. 

1. Þú slærð inn símanúmer þitt í þar til gerðan reit á vefsvæði þjónustuveitanda

2.  Upp kemur í símann valmynd sem biður þig um að staðfesta auðkenningu eða undirritun. Samþykktu til að halda áfram í næsta skref.

3. Upp kemur í símann gluggi til að slá inn PIN. Sláðu inn PIN og veldu að samþykkja.

4. Auðkenning eða undirritun fer fram!

Gætið þess að samþykkja aldrei beiðni um auðkenningu eða undirritun né slá inn PIN nema þegar verið er að nota skilríkin. 

Nei, þú getur aðeins haft eitt auðkenningarskilríki og eitt undirritunarskilríki á hverju SIM-korti.

Já, næstum því, það eru aðeins nokkrar tegundir sem styðja ekki skilríkin. Sjá lista.

SIM-kort fyrir rafræn skilríki eru sérsniðin að skilríkjalausn Auðkennis. Þau innihalda sérstaka dulmálseiningu og smáforrit sem stýrir samskiptunum við rafrænu skilríkin sem vistuð eru á þeim.

Já, ef þú ert nú þegar með skilríki á farsíma geturðu farið sjálf(ur) í gegnum umsóknarferlið hér á vef Auðkennis.

Einstaklingar geta keypt einkaskilríki sem eru kjörin fyrir öruggari innskráningar á vefsvæði og til undirritunar rafrænna skjala.

Skilríkin eru gefin út á einstaklinga og á þeim er kennitala og nafn skilríkjahafans.

Ítarlegra svar

Þú sækir um einkaskilríki á vefsíðu Auðkennis hér:

Munurinn er fyrst og fremst formið. Í öllum tilfellum er hægt að nota skilríkin til auðkenningar við innskráningu og við undirritun skjala. Einkaskilríkin eru rafræn skilríki á sérstöku plastkorti. Það er allt og sumt.

Hafðu þá samband við Auðkenni beint eða eina af fjölmörgum Afgreiðslustöðvum Auðkennis svo hægt sé að loka fyrri skilríkjum. Að því loknu geturðu farið inn á heimasíðu Auðkennis og pantað nýtt kort hér.

Nexus Personal hugbúnaðinn geturðu nálgast á vefsíðunni hjá okkur ásamt leiðbeiningum um hvernig þú setur hann upp.

þegar þú valdir þér 6 stafa PIN-númer við virkjun skilríkjanna, þá varst þú í raun að velja tvö PIN-númer, fyrstu 4 stafirnir eru notaðir fyrir auðkenningu en allir 6 fyrir undirritanir.
Til þess að nota rafrænu skilríkin þarftu að hafa aðgang að tölvu, kortalesara og sérstökum hugbúnaði fyrir skilríkin.

Athugaðu að þegar skilríkin eru notuð í fyrsta sinn mun tölvan biðja um heimild til þess að setja inn skilríkjakeðju Íslandsrótar sem er að finna á kortinu. Þessari spurningu þarf að svara játandi og mun skilríkjakeðjan þá verða sett upp á vélinni.

Þú getur prófað virkni Nexus hugbúnaðarins og kortalesarans með því að fylgja eftirfarandi skrefum:

  1. Fullvissaðu þig um að kortalesarinn sé tengdur við tölvuna.
  2. Stingdu kortinu með rafrænu skilríkjunum í lesarann.
  3. Nexus táknið á stjórnstiku "snýst" á meðan kortið er lesið. Athugið, þetta getur tekið smá stund í fyrsta sinn.
  4. Ef þú opnar Personal forritið, ætti að standa í hvíta glugganum ,,Fullgilt Auðkenni".
  5. Prófaðu nú að nota kortið á vefsíðu. (ATH. að PIN til auðkenningar er 4 tölustafir)
  6. Gættu að því að í fyrsta skipti sem þú reynir að nota skilríkin á vefsíðu í vafra mun koma upp beiðni um að heimila Nexus Personal Plugout sem þú verður að samþykkja. Þá geturðu endurhlaðið síðunni og allt ætti að virka. 

Oftast dugir að slökkva og kveikja á Nexus Personal forritinu.

  1. Hægri smelltu á Nexus Personal táknmyndina (rauður hringur með hvítum karli) sem þú finnur á botnstikunni (task bar) í horninu niðri til hægri.
  2. Veldu Hætta. Þá slökknar á forritinu og táknmyndin hverfur.
  3. Til að ræsa forritið aftur í Windows 7 eða eldri stýrikerfum, ferð þú í Start (neðst til vinstri) og svo í All Programs og finnur þar Personal möppuna og smellir á hana og smellir svo á Personal táknið. 
  4. Til að ræsa forritið aftur í Windows 8 eða nýrri stýrikerfum, smellir þú á Windows hnappinn, skrifar Personal og smellir á Personal táknið.
  5. Þá keyrir forritið sig upp og táknmyndin á að birtast aftur á botnstikunni niðri í hægra horninu.

Þá þarf að fara á næsta afgreiðslustað rafrænna skilríkja, taka með þér annað hvort vegabréf, ökuskirteini eða nafnskírteini og PUK-númerið sem þú getur nálgast í heimabankanum þínum (leiðbeiningar hér). Þangað komin(n) færðu aðstoð skráningarfulltrúa við að velja þér nýtt PIN-númer fyrir skilríkin.

PUK-númer (PIN Unblocking Key) er númer sem veitir aðgang að skilríkjunum á örgjörvakorti, þegar PIN-númerið er óþekkt. PUK-númerið er notað til þess að breyta PIN-númeri skilríkjanna.

PUK-númer eru aðgengileg í netbönkum allra viðskiptabanka og sparisjóða. Þú finnur þau ekki undir rafrænum skjölum, heldur venjulega undir valmöguleika sem kallast ýmist upplýsingar eða stillingar, eftir því í hvaða netbanka þú ert að leita. Nánari leiðbeiningar fyrir alla íslenska netbanka má finna hér.

Þú notar mismunandi aðferðir eftir því hvort skilríkin eru í farsímanum eða á Auðkenniskorti.

Til þess að athuga hvort þú sért með skilríki í farsímanum þínum fylgirðu leiðbeiningum á prófunarsíðunni okkar fyrir skilríki í farsímum.

Til þess að athuga hvort þú sért með virk skilríki á Auðkenniskortinu þínu, þarftu að hafa aðgang að kortalesara ásamt því að setja upp Nexus Personal hugbúnað í tölvuna. Þú getur gengið úr skugga um hvort kortið sé útrunnið með að lesa gildisdagsetningu á kortinu sjálfu. Leiðbeiningar fyrir skilríki á kortum.

Það eru ekki rafræn skilríki á öllum útgefnum debetkortum. Ef þú vilt vita hvort það eru rafræn skilríki á debetkortinu þínu borgar sig að hafa samband við þinn viðskiptabanka eða sparisjóð.

Fullgild rafræn skilríki munu verða grundvöllur öruggari rafrænna samskipta við hið opinbera, fjármálastofnanir og fyrirtæki. Viljir þú eiga rafræn samskipti við þessa aðila í framtíðinni þá þarftu að hafa slík skilríki til að auðkenna þig á öruggan hátt og einnig til að geta framkvæmt rafrænar undirritanir. Rafrænar undirritanir með fullgildum rafrænum skilríkjum eru að lögum jafngildar undirritun með penna.

Rafræn skilríki byggja á öruggustu tækni sem völ er á í dag og geyma þínar upplýsingar í mjög öruggum dulritunarbúnaði á örgjörvanum sem er á SIM- eða örgjörvakortinu þínu. Dulritunarbúnaðurinn er vottaður fyrir örugga varðveislu, upplýsingarnar fara aldrei af örgjörvanum og aðgangsorðið (PIN númerið) er ekki geymt hjá þjónustuaðilum.

Nei, allir sem ætla að fá virkjuð rafræn skilríki þurfa að mæta í eigin persónu á skráningarstöð á Íslandi. 

Ein af aðal öryggiskröfunum í virkjanaferli fullgildra rafrænna skilríkja er að viðkomandi mæti í eigin persónu á skráningarstöð og framvísi þar gildu vegabréfi, ökuskírteini með skýrri mynd eða nafnskírteini til vottunar. Þar sem engar skráningarstöðvar fyrir þessi skilríki eru staðsettar erlendis er eina leiðin til að fá rafræn skilríki virkjuð að koma á skráningarstöð á Íslandi.

Til að geta notað rafræn skilríki á Auðkenniskortum þarf lítið tæki sem nefnt er kortalesari en hann les kortið og tengir það við tölvuna.

Nei, þeir eru allir tengdir með USB-snúru við tölvuna og með rekli í tölvunni á sama hátt og prentarar. Í langflestum tilfellum finnur stýrikerfið viðeigandi rekla (driver) fyrir kortalesarana án þess að notandinn þurfi að gera neitt. Í einhverjum tilfellum getur þurft að setja reklana handvirkt inn. 

Með því að halda inni gúmmíhnappnum hverfur gamla auðkennisnúmerið af skjánum. Ýttu á hnappinn aftur til að fá nýtt númer.

Auðkennislykillinn þolir takmarkað hnjask og eru notendur beðnir um að hafa það í huga.

Ef erfitt reynist að framkalla númerið þá gæti viðkomandi Auðkennislykill verið gallaður. Þá þarft þú einfaldlega að snúa þér að næsta útibúi og fá nýjan lykil.

Ef Auðkennislykillinn er ekki til staðar er hægt að nota varaleið með því að biðja um að auðkennisnúmer sé sent sem SMS í farsímann þinn.

Ef lykillinn týnist þá þarft þú að hafa samband við útibú í þínum viðskiptabanka og fá nýjan lykil. Gjald fyrir nýjan lykil fer eftir verðskrá bankans hverju sinni.

Ef rangt númer er slegið inn þrisvar sinnum við innskráningu þá þarf að fara í aðgerð sem kallast „Samstilling“ og er notandi þá beðinn um að slá inn auðkennisnúmer í tvígang. Ef þessi tvö númer eru einnig röng læsist lykillinn.

Til aflæsa lyklinum þarf að hafa samband við þjónustuver bankans eða fara í næsta útibú.

Auðkennislykilinn er skráður á einstakling þannig að hægt er að nota sama lykilinn í fyrirtækjabanka fyrirtækisins og í þinn eigin persónulega netbanka. 

Já, það þarf að slá inn alla tölustafina í númerinu ásamt núllinu sem er fremst.