Skilríki í farsíma

HVAÐ ERU RAFRÆN SKILRÍKI Í FARSÍMA / HVERNIG VIRKA ÞAU?

Rafrænu skilríkin eru vistuð á SIM-korti viðkomandi farsíma og þú velur þér PIN-númer til að beita þeim. Rafrænu skilríkin virka á gömlum sem nýjum farsímum, óháð stýrikerfum. Enginn kortalesari, enginn hugbúnaður sem þarf að setja upp. Bara að hafa farsímann við höndina, það er það eina sem þarf.

HVERNIG NOTA ÉG RAFRÆN SKILRÍKI Í FARSÍMA?

Þú ferð einfaldlega inn á vefsvæði þjónustuaðila, velur að skrá þig inn með rafrænum skilríkjum á farsíma og slærð inn farsímanúmerið þitt. Þá birtist sjálfkrafa skjámynd á farsímanum þínum þar sem þarf að staðfesta beiðnina. Ef beiðnin er staðfest kemur upp gluggi þar sem þú slærð inn það PIN-númer sem þú valdir þér þegar rafrænu skilríkin voru framleidd og þú ert komin/n inn. Sjá nánar hér:

MIKILVÆGT:

• Passaðu upp á farsímann þinn og PIN númer rafrænu skilríkjanna. 
• Aldrei staðfesta rafrænar auðkenningabeiðnir sem þú kannast ekki við.
  

HVAR FÆ ÉG RAFRÆN SKILRÍKI Í SÍMA / HVERNIG FÆ ÉG SKILRÍKIN Í FARSÍMANN MINN?

Einfaldasta leiðin til þess að nálgast upplýsingar um hvernig þú færð rafrænu skilríkin í farsímann þinn er að slá inn farsímanúmerið þitt í reitinn hér fyrir neðan.

Fleiri svör geturðu fundið í spurningum og svörum.