Leiðbeiningar fyrir Mac notendur

Til að nýta rafræn skilríki á kortum þarf að tengja kortalesara við tölvuna og setja upp Nexus Personal hugbúnaðinn til að lesa kortið. Hér fyrir neðan er listi yfir þau atriði sem huga þarf að.

Leiðbeiningar á PDF (430 KB)

1. Kortalesari

Tengdu kortalesara við USB-tengið í tölvunni, nema þú hafir innbyggðan kortalesara í henni. Í langflestum tilfellum finnur tölvan réttan rekil sjálfkrafa á svipaðan hátt og þegar nýr prentari er tengdur.

2. Setja upp Nexus Personal

Til þess að lesa kortið í kortalesaranum þarftu að setja upp Nexus Personal forritið.

Sækja Nexus Personal fyrir Mac.

3. Setja skilríki í lesarann

Stingdu kortinu með rafrænu skilríkjunum í lesarann þannig að örgjörvinn snúi upp og að lesaranum. Þegar kortalesarinn les skilríkin þá ætti „Personal-táknið“ á neðstu stikunni að snúast í hringi.

4. Ræsa Firefox vafrann

Nú skaltu ræsa Firefox vafrann, ef hann er þegar keyrandi skaltu slökkva á honum (slaufa + Q) og ræsa hann aftur.
Næst getur þú prófað að skrá þig inn, t.d. í netbankann þinn eða prófað skilríkin með því að smella á hlekkinn hér fyrir neðan. Mundu að þú átt aðeins að nota fyrstu 4 tölustafina í PIN-númerinu. Prófa rafræn skilríki á korti.

Tækniþjónusta Auðkennis

Ef þér tekst ekki að fá rafrænu skilríkin til að virka getur þú hringt í 530 0000 alla virka daga frá 8:00 til 17:00 og fengið ókeypis aðstoð sérfræðinga. Athugið að miðað er við að símtöl taki ekki lengri tíma en tíu mínútur.