Notkun rafrænna skilríkja á SIM-korti
Svona skráir þú þig inn með rafrænum skilríkjum á SIM-korti
Þú ferð inn á vefsvæði þjónustuveitanda.
Þú slærð símanúmerið þitt inn í innskráningargluggann.
Staðfestingarbeiðni birtist á símanum þínum.
Berðu saman nafn eða númer og staðfestu með því að slá inn PIN-númerið þitt.
Núna ætti þitt svæði hjá þjónustuveitanda að opnast.
Mundu svo að skrá þig út af vefsvæðinu þegar þú hefur lokið erindinu.
Gott að vita:
Þú þarft að vera í símasambandi til þess að geta notað rafræn skilríki á SIM-korti.
Þú átt alltaf að eiga upphafið að innskráningu, aldrei slá inn PIN-númerið þitt ef þú ert ekki viss.
Það er mismunandi milli símafélaga hversu margar tilraunir notandi hefur til að slá inn rétt PIN-númer þegar hann notar rafræn skilríki á SIM-korti – að jafnaði þrjár til fimm.
Ef skilríkin læsast eða þú manst ekki PIN-númerið þá þarftu að mæta á skráningarstöð til þess að láta útbúa ný skilríki.