Fáðu rafræn skil­ríki í Auðkenn­isappið

Tvær leiðir eru í boði:

• Sjálfskráning með íslensku vegabréfi eða íslensku nafnskírteini

Ef þú átt gilt íslenskt vegabréf eða íslenskt nafnskírteini og ert með snjallsíma getur þú virkjað rafræn skilríki í Auðkennisappinu – hvar og hvenær sem er.

• Mæta á skráningarstöð

Ef þú átt ekki gilt íslenskt vegabréf, íslenskt nafnskírteini eða sjálfskráningin hentar þér ekki, getur þú mætt á næstu skráningarstöð með leyfð persónuskilríki og fengið útgefin rafræn skilríki í Auðkennisappið.

Smelltu hér til að sækja Auðkennisappið

Ítarlegar leiðbeiningar – Sjálfskráning með íslensku vegabréfi

Skilyrði fyrir sjálfskráningu:

Til að virkja rafræn skilríki með sjálfskráningu þarftu að:

• Eiga gilt íslenskt vegabréf eða íslenskt nafnskírteini

• Hafa snjallsíma sem styður NFC

• Vera 13 ára eða eldri
  (Yngri en 18 ára þurfa undirritun forsjáraðila)

Svona virkjar þú rafræn skilríki í Auðkennisappinu:

1. Sæktu Auðkennisappið

2. Opnaðu appið og veldu „Skráning“

3. Smelltu á „Lífkenni”

4. Veldu aldur þinn „13-17 ára“ eða „18 ára og eldri“.

5. Samþykktu almenna skilmála

6. Sláðu inn tengiliðaupplýsingar
   Símanúmer og netfang. Mikilvægt er að upplýsingar séu réttar svo tilkynningar berist.

7. Skannaðu persónuauðkenningarsíðu vegabréfsins/nafnskírteinisins
   Síðan með mynd, nafni, fæðingardegi og MRZ-línum.

8. Lestu rafrænar upplýsingar úr vegabréfinu/nafnskírteininu (NFC)
   Leggðu símann ofan á fram- eða bakhlið.

9. Andlitsgreining
   Myndavél símans er notuð til að bera saman andlit þitt við myndina í vegabréfinu.

10. Veldu PIN-númer
    PIN-1 (auðkenning): 4–12 tölustafir
    PIN-2 (undirritun): 5–12 tölustafir

11. Undirritaðu umsóknina í appinu
    Þetta þarf að gera innan 60 mínútna frá því skráningarferlið hófst.
    Ef það er ekki gert falla skilríkin sjálfkrafa úr gildi.

12. Rafræn skilríki eru tilbúin til notkunar.

Þú getur einnig mætt á skráningarstöð og fengið útgefin rafræn skilríki í Auðkennisappið

Ef þú ert ekki með íslenskt vegabréf, íslenskt nafnskírteini eða sjálfskráningin hentar þér ekki getur þú mætt á næstu skráningarstöð og fengið útgefin rafræn skilríki í Auðkennisappið.

• Þú þarft að mæta í eigin persónu

• Framvísa gildum persónuskilríkjum, smelltu hér til þess sjá lista yfir þau.

Smelltu hér til að sjá kort með staðsetningum allra skráningarstöðva.