Við bendum á að einfaldast er að fara á þá skráningarstöð sem þú átt þegar í viðskiptum við. Skoðaðu allar staðsetningar á kortinu hér fyrir neðan og mundu að taka með þér leyfð persónuskilríki í gildi.

Ef þörf er á sértækri þjónustu við útgáfu rafrænna skilríkja er hægt að senda inn beiðni um slíka þjónustu.
Þjónustan er veitt utan hefðbundins afgreiðslutíma og fer fram í ró og næði hjá okkur, Katrínartúni 4 á 1. hæð. Skilyrði fyrir þjónustunni er að einstaklingurinn geti lokið hefðbundnu virkjunarferli án aðstoðar.
Beiðni skal senda á audkenni@audkenni.is þar sem útskýra þarf ástæðu þess að óskað er eftir þjónustunni. Við svörum beiðninni eins fljótt og auðið er.