Auðkenni kynnir Auðkennisappið

Auðkennisapp

Auðkenni hefur að undanförnu unnið að appi fyrir rafræn skilíki í snjallsíma. Appið mun leysa vandamál þeirra sem eiga síma sem eru með svokölluð eSIM kort en ekki er hægt að setja rafræn skilríki á slík kort þar sem þau hafa ekki tilskyldar vottanir fyrir slíkt. Einnig mun appið koma sér vel fyrir Íslendinga sem búsettir eru erlendis og eru með erlend farsímanúmer, sjómenn sem eru ekkí í símasambandi en eru með netsamband og fleiri.

Appið er hægt að sækja á Google Play og App Store en þar til þjónustuaðilar eru búnir að innleiða þessa nýju lausn í sín kerfi er hvergi hægt að nota rafræn skilríki á appi í dag. Þeir fyrstu munu þó koma fljótlega.

Hægt er að skrá rafræn skilríki í appið í sjálfsafgreiðslu ef viðkomandi er með rafræn skilríki á SIM.
Fljótlega verður svo hægt að fara á skráningastöðvar Auðkennis og fá rafræn skilríki virkjuð í appið.

Nánari upplýsingar eru á app.audkenni.is