Umboð fyrir lögbæran fulltrúa
Þegar sótt er um rafræn skilríki fyrir lögaðila þarf að tilgreina lögbæran fulltrúa í umsókninni.
Samkvæmt reglum Auðkennis um umsjón og útgáfu rafrænna skilríkja skal lögbær fulltrúi undirrita umsóknir um rafræn skilríki fyrir viðkomandilögaðila.
Lögbær fulltrúi er sá einstaklingur sem hefur heimild til að skuldbinda lögaðilann. Hann þarf því að hafa prókúru eða umboð frá skráðumprókúruhafa.
Ef heimild lögbærs fulltrúa er ekki skráð í Fyrirtækjaskrá þarf að útbúa sérstakt umboð.
Ferli við útgáfu umboðs
Í umsókn þarf að fylla út eftirfarandi:
Kennitölu fyrirtækis (lögaðila)
Kennitölu prókúruhafa lögaðila samkvæmt Fyrirtækjaskrá
Kennitölu umboðshafa
Þegar búið er að setja inn framangreindar upplýsingar er smellt á hnappinn ÁFRAM og þá birtist yfirlit yfir upplýsingarnar sem skráðar voru.
Mikilvægt er að fara yfir upplýsingarnar og staðfesta að þær séu réttar.
Ef upplýsingarnar eru réttar er smellt á hnappinn Útbúa umboð.
Þá birtist umboðsskjal sem þarf að undirrita rafrænt. Útbúa þarf pdf af skjalinu, til dæmis með því að velja Print og vista sem pdf.
Lögbær fulltrúi þarf að undirrita umboðsskjalið með rafrænni undirritun.
Þegar skjalið hefur verið undirritað rafrænt þarf að senda það á netfangið audkenni@audkenni.is.
Athugaðu! Auðkenni fær engar upplýsingar um umsóknina fyrr en skjalið er sent með tölvupósti.Þegar undirritað skjal hefur borist Auðkenni er undirritun yfirfarin af starfsfólki og staðfest að umboðsgjafi hafi heimildir til að veita umboðið.
Starfsfólk Auðkennis upplýsir bæði lögbæran fulltrúa og umboðshafa þegar umboð hefur verið veitt.
Þegar staðfesting liggur fyrir getur umboðshafi annast umsóknir og umsýslu rafrænna skilríkja fyrir hönd viðkomandi lögaðila.
Umboðið gildir þar til það er afturkallað skriflega.