Stafræn persónuskilríki Auðkennis - Persónuauðkenni - eru ætluð til að auðkenna einstaklinga.  Í skilríkinu er nafn og tölvupóstfang viðkomandi einstaklings sannprófað auk þess sem skilríkið inniheldur kennitölu hans. 

Skilríkið geta einstaklingar notað í öllum almennum viðskiptum sínum og samskiptum.  Skilríkið er m.a. hægt að nota til að:

• Undirrita tölvupóst með rafrænni undirskrift (byggðri á rafræna skilríkinu)
• Dulrita tölvupóst til að tryggja að óviðkomandi geti ekki lesið samskipti aðila
• Auðkenna sig gagnvart öðrum aðilum og heimasíðum
• Fá aðgang að vernduðum trúnaðarupplýsingum

Persónuauðkenni er stafrænt persónuskilríki á háu öryggisstigi.  Hátt öryggisstig (stig 3) krefst þess að einstaklingur komi í eigin persónu í skráningarferlinu  fyrir skráningaraðila þar sem hann færir sönnur á auðkenni sitt með framvísun persónuskilríkja.

Persónuauðkenni eru studd af tryggingarstefnu Auðkennis. Samkvæmt henni nýtur sá aðili sem verður fyrir tjóni tryggingar upp að 12.000 evrum (u.þ.b. 1 milljón ísl. kr.) sem verður vegna þess að treyst var á ranglega sannprófaðar upplýsingar í 3. stigs skilríkis.  Vísað til til vottunarframkvæmdar Auðkennis og tryggingarstefnu um nánari upplýsingar.

Persónuauðkenni eru gefin út til eins árs í senn og í verðskrá Auðkennis koma fram upplýsingar um verð. 

Sækja um Persónuauðkenni.